យុវជនម្នាក់ដើរឃ្វាលគោជាន់គ្រាប់មីនផ្ទុះដាច់ជើងឆ្វេងខ្ទេច
07-July-2016 | ដោយ មែន កំសត់
ប៉ៃលិន៖យុវជនម្នាក់បានដើរឃ្វាលគោ នៅក្បែរជើងភ្នំរាំងដើរជាន់មីនដែលកប់នៅក្នុងដីបន្សល់ទុកតាំងពី សម័យសង្គ្រាមក៍ផ្ទុះឡើងកក្រើកដីបណ្តាលឲ្យរងរបួសដាច់ជើងម្ខាង ខ្ទេច។ហេតុការណ៏នេះបានកើតឡើងស្ថិតនៅចំណុចភ្នំរាំង ក្នុងភូមិភ្នំកុយ ឃុំសាលាក្រៅ ស្រុកសាលា ក្រៅខេត្តប៉ៃលិនកាលពីរសៀលថ្ងៃទី៦ខែកក្កដាឆ្នាំ២០១៦។
ប្រភពព័ត៌មានពីមន្ត្រីនគរបាលបានឲ្យដឹងថាជនរងគ្រោះមានឈ្មោះផុនភួន ភេទប្រុសអាយុ១៨ឆ្នាំរស់នៅក្នុងស្រុកភូមិកើតហេតុខាងលើបានរងរបួស ដាច់ជើងខាងឆ្វេងត្រឹមស្មងខ្ទេច។ប្រភពព័ត៌មានដដែលបានបន្តថានៅមុន កើតហេតុជនរងគ្រោះបានដើរឃ្វាលគោនៅចំណុចភ្នំរាំងរួចក៍បានជាន់មីន បណ្តាលឲ្យផ្ទុះឡើងរងបួសដាច់ជើងតែម្ដង។ក្រោយកើតហេតុអ្នកភូមិនិង សមត្ថកិច្ចបាននាំគ្នាជួយសង្គ្រោះយក រថយន្តដឹកជនរងគ្រោះទៅសង្គ្រោះនៅមន្ទីរពេទ្យ៕
ចំនួនអ្នកទស្សនា
- ថ្ងៃនេះ881
- ម្សិលមិញ12101
- សប្តាហ៍នេះ12991
- ខែនេះ128141
- ឆ្នាំនេះ128141
- សរុប20570597